Pinakpakan na Kapangganahan kan Samothrace.

An Pinakpakan na Kapangganahan kan Samothrace, (c. 220-185 BC^[1]) na inapod man Nike kan Samothrace, sarong iskultorang marmol sa panahon na Helenistiko, representasyon kan diyos-diyosan na Nike kan Griyego na saboot nahaman kan ika2ng Siglo BC. Poon pa kan 1884, ining rebultong marmol prominenteng nakadispley sa Museo nin Louvre asin iyo an saro sa inoomaw nanggad na iskultura sa bilog na kinaban. Saro sana ini sa kakadikit na estatwang Helenistiko na sa orihinal, bakong kahuwad na kopya na Romano.^[2]

An pinakpakan na diyosa nin kappangganahan sinasabing nakatindog sa dulong nin bapor sa isla nin Samothrace. An monumento daa sarong pag-atang kan banwaan nin Rhodes sa pagromdom kan sarong kapangganahan sa ralaban sa dagat kaamayi kan ika2ng siglo BC. An tindog niya na garo sa teatrong postura, mabagsik sa aktong paghiro asin sulot na nag'aalon-alon sarong iskulturang Helenistiko sa Periodong Klasiko bago mag-abotan istilong baroque kan mga iskultor na Pergamene.^[3]

1. ↑ http://musee.louvre.fr/oal/victoiredesamothrace/victoiredesamothrace_acc_en.html Archived 2016-09-04 at the Wayback Machine. Kinua 02-9-16
2. ↑ http://musee.louvre.fr/oal/victoiredesamothrace/victoiredesamothrace_acc_en.html Archived 2016-09-04 at the Wayback Machine. Kinua 02-9-16
3. ↑ http://www.louvre.fr/en/oeuvre-notices/winged-victory-samothrace Kinua 02-9-16